සෙන්කෝලය ආවා

සෙන්කෝලය කිව්වගමන් දැන් කට්ටියට දියවන්නාව මතක් වෙලා ඇතිනේ. අන්න ඒ උතුමන්ලා එක් රැස්වෙලා අපි වෙනුවෙන් තීන්දු තිරණ ගන්න තැන තියන පොල්ල තමා මේ.
මේක හරිම උත්තරීතරයි ලූ. අනේ ඒත් මට නං දොයිත්තකට වටින්නේ නෑ. ඒ කියන්නේ ඒකෙන් මට වැඩක් නැති හන්දා.
ඒ වුණාට මේ උත්තරීතර පොල්ල තියන තැනට යන උතුමන්ට සමාජයම වෛර කොරනවා. මං නං හිතන්නේ මේක මනෝ ව්‍යාධියක් කියලයි.
උන්නාන්සෙලා කොරන කෙරුම් කියුම් කොරගන්න බැරිව ඊරිසියාවට තමා මේ කතා කියන්නේ. ඔය උන්නාංසෙලට බයින බයියෙකුටත් ඔය දියවන්නාවේ ආසනයක් ලැබෙනවනං නොගෙනම ඉදියි. මං මේ කියන්නේ දේසපාලන පක්සයක පැත්තක් අරං එහෙම නෙමෙයි. මොන පැත්තකිං හරි ඔතෙන්ට යන්න නං හැබෑ හැකියාවක් තියෙන්න ඕන. ඉතිං ඒ හැකියාවල් මොනවද කියල හොයල බලන එක ඔහේලට බාරයි.
ඉතිං මගේ හිතට එන දේවල් ඔහේ මුදා හරින්න තමා මං සෙන්කෝලය අටෝ ගත්තේ. කිසිම සීමා මායිමක් නෑ හිතට එන හැම දේම කියල දානවා. පොඩි එවුවොත් කියවන හින්දා කුණු හරුප විතරක් කියන්නේ නෑ. ඔහේලටත් ඇහැකි ඕන අදහසක් කියල දාල යන්න.
සෙංකෝලය කියන්නේ 

අත්මුගුර

ගදායුධය

ගදාව

බලතඩිය

වසාවාසි

වේත්‍රය 

සෝලුලීය  යන අදහස දෙන වදනක්. ඉතිං මාත් ඔය වදන්වල විදියට හැසිරේවි.  එක්කසු වන්න ආරාධනා කරනවා ඔහේලා හැමෝටම

එහෙනං මට අවසර...................